13-1-2009 英國交流之旅 差唔多成年無理過xanga lu‧‧‧因為覺得呢次exchange係人生一個重要嘅里程碑，所以決定盡量將每一日發生嘅點點滴滴都記低。 9點幾同屋企人、建宇到機場，好多謝佢考緊試都抽時間嚟送我機~~~之後同SD一齊去櫃台check in，發覺我兩件行李都超重，要放D嘢落Darren嗰邊；點知之後又搞到佢兩個喼都超埋重，執嚟執去搞咗好耐。真係多得SD，咁啱佢有空位，唔係兩件嘢超重好似要補返四十英鎊。 之後收到老B電話，話佢地miss左班E41巴士；干時都差唔多成十點，因為十一點入閘，所以我叫佢不如唔好嚟，最緊要有心‧‧‧但係佢地都堅持要趕過嚟機場，嗰刻真係感動。就喺臨入閘之際，老B、Stella、Kelly終於趕到嚟同我地合照，真係多謝你地特登由咁遠走嚟送我地機‧‧‧對唔住~~~你地到咗無耐我地就要入閘，返嚟一定唔會少咗你地D手信‧‧‧多謝水隊同人的心意卡~~~多謝SO、SK、SKII嘅祝福‧‧‧重有真係要多謝daisy小妹妹D曲奇餅+解悶VCD~~~多謝你們的每一個來電、SMS‧‧‧ 入閘嗰刻真係有D感動，不過最後都可以控制到自己嘅情緒。十年之後再一次去英國，感覺真係好唔同。之前有導師跟出跟入、打點一切，宜家咩都要靠自己，好多嘢都要自己處理，好似check in、過關、買火車飛、call的士等等，全部都要去嘗試用英文同其他人溝通，所以呢次真係一個非常好嘅機會練好英文。 班機凌晨十二點左右起飛，一上機就有飛機餐食~~唔知點解個人好精神，平時二點零三點都一定會攰到想死，但係喺飛機睇戲睇到四、五點都重好清醒，可能晚餐飲咗支紅酒啦~~~睇完盜墓迷城3同King Kong之後先瞓左二個幾鐘~~darren勁好瞓囉，瞓咗成十個鐘都好似無醒過‧‧‧十二鐘頭之後，終於到咗倫敦Heathrow機場~~~今次感覺D時間好似快過過細個搭干時，可能干時無咩耐性‧‧‧嗰次真係瞓醒十幾廿次都重未到~~~ 14-1-2009 落左機之後又要check過passport同boarding pass，darren過關干時俾個外國男關員難，問左SD成十分鐘問題都唔比佢過關；之後到check手提行李到我比人玩，明明過個金屬探測閘干時個閘都無響，個關員偏偏要搜我身，除鞋除衫之餘，又要全身比佢摸遍，重要攞支金屬探測器隊嚟隊去‧‧‧不斷比人針對，搞到我地兩個差D趕唔切轉飛去Manchester班機，最後要跑去閘口先啱啱上到班機。 上到機點知delay左成個鐘先起飛，重要起飛完無耐就降落，原來倫敦去Manchester只需要三十分鐘‧‧‧到左Manchester發覺好凍，得三、四度，我地一人推住兩個大喼由機場去到Train Station轉火車。喺飢寒交迫、睡魔進襲之際重要收到個壞消息──去Lancaster班火車要45分鐘後先到‧‧‧呢個時候諗起背嚢入面有妹妹俾嘅曲奇，攞出嚟食咗幾塊，成個人即刻暖哂精神哂~~~兩日加埋瞓咗三個鐘，到而家都依然鬼打咁精神^^坐火車其間有個外國男人同darren講話佢坐錯位‧‧‧我地先知原來要跟位坐~~但係竟然發現我地張飛無印到位嘅安排，更離譜係當對過自己同其他乘客啲火車飛之後，發覺連張嘢都係獨一無二嘅，我地先知道墜入咗黃牛黨嘅圈套‧‧‧因為張火車飛係我同鐵路售票處隔離企喺度嘅一個大叔買嘅‧‧‧而且重要17英鎊一張‧‧‧ 坐咗個半鐘火車，終於到左目的地Lancaster呢個小鎮。叫咗的士載我地去University of Cumbria，間學校喺郊區，個view真係好靚；同埋嗰度D學生好親切，見到我地好似有困難，佢地都會主動走埋嚟問我地有咩需要幫手。喺佢地協助之下終於搵到我地個hall──Waddell Hall，我間單人房喺一樓，入去之後先發覺男女同宿不特止，我地個有7間房嘅單位，起碼4間都係女仔住嘅，我重要同佢地share同一個浴室‧‧‧見到D唔應該見嘅嘢都唔知點好~~XD頭先出走廊同其中兩個女neighbour打招呼，發覺佢地習慣唔關房門‧‧‧佢地都好nice~~話有咩問題可以主動搵佢‧‧‧ 到咗hall之後正午，同dareen出咗去city嗰邊行街食嘢，順便認下路。去咗KFC食個成十一英鎊一個嘅筒餐，飽到要打包留番今晚煮意粉食。之後周圍行，買咗最緊要嘅電話卡，即刻打番屋企報平安，之後再打比低B妹比個驚喜佢XD去超市買完嘢煮飯之後先四點，但係個天已經黑咗一大半，於是同darren行返hall執行李~~~雖然間房因為開唔到窗簾搞到好黑，但係因為要喺度瞓半年，而家俾我佈置執到好warm好整齊，突然好鍾意間房‧‧‧ | 
